ბექა ნაცვლიშვილმა პარტია ჩვენი საქართველო — სოლიდარობის ალიანსი დატოვა. მისი თქმით, პოლიტიკაში ყოფნისთვის არაა სავალდებულო, რომ რომელიმე პარტიას წარმოადგენდეს.

"პირველ რიგში დიდი მადლობა მინდა გადავუხადო პოლიტსაბჭოს, პარტიის წევრებსა და ყველა მხარდამჭერს, რომლებმაც უსამართლო და უთანასწორო საარჩევნო გარემოს მიუხედავად, აჩვენეს ქვეყნისა და ღირებულებების მიმართ განსაკუთრებული ერთგულება. პარტიას ჩვენი საქართველო — სოლიდარობის ალიანსი აქვს დიდი პოტენციალი და ის მნიშვნელოვან სიტყვას იტყვის ქართულ პოლიტიკაში. სწორედ ამ რწმენით, მე ვტოვებ პარტიას ჩემი მეგობრებისა და ღირსეული ადამიანების ხელში", — აცხადებს ბექა ნაცვლიშვილი.

გასული წლის 24 ნოემბერს პარტია გედევან ფოფხაძემაც დატოვა.