იტალიის პრემიერმინისტრი, ჯუზეპე კონტე პანდემიასთან გამკლავების ტაქტიკის კრიტიკის გამო გადადგომას აპირებს.

იტალიაში კორონავირუსით 85,000 ადამიანი გარდაიცვალა.

გადადგომის გადაწყვეტილება გათვლილია იმაზე, რომ მას მთავრობის ფორმირების კიდევ ერთი შანსი მიეცეს. კონტეს იმედი აქვს, რომ პრეზიდენტი მისცემს მანდატს, შექმნას უფრო ძლიერი მთავრობა სენატში უმრავლესობის დაკარგვის შემდეგ. თუ ეს არ მოხდება — ჩატარდება ახალი არჩევნები.