შინაგან საქმეთა სამინისტროს ინფორმაციით, ბოლო 24 საათში, კორონავირუსის საწინააღმდეგო რეგულაციების დარღვევის 877 ფაქტი გამოვლინდა. აქედან 773 პირბადის ტარების წესის დარღვევის, ხოლო 104 — საღამოს 21:00 საათიდან დილის 05:00 საათამდე გადაადგილების შეზღუდვის წესის დარღვევისთვის.

პირბადის ტარების წესის დარღვევის შემთხვევაში მოქალაქეები 20 ლარით ჯარიმდებიან. იზოლაციისა და კარანტინის წესის დარღვევისთვის — 2 000-ით. იურიდიული პირები 10 000 ლარით ჯარიმდებიან. განმეორებითი ჯარიმა სისხლისსამართლებრივ პასუხისმგებლობას ითვალისწინებს.

უწყება მოქალაქეებს დაწესებული შეზღუდვების დაცვისკენ მოუწოდებს.