საქართველოს პრეზიდენტი, სალომე ზურაბიშვილი ხანძრით დაზარალებულებს სოლიდარობას უცხადებს. იგი ხაზს უსვამს, რომ პანდემიით დაზარალებულ მოსახლეობას ახლა ხანძართან ბრძოლა უწევს.

"თანავუგრძნობ საქართველოს სხვადასხვა რეგიონში მცხოვრებ ყველა ჩვენს მოქალაქეს", — აღნიშნულია პრეზიდენტის მიერ გავრცელებულ განცხადებაში.

ზურაბიშვილი სოლიდარობას უცხადებს ოკუპირებული აფხაზეთის მოსახლეობასაც, სადაც ამ დრომდე ვერ ხერხდება ტყის ხანძრების ჩაქრობა.

"მათგან განუყოფლად მსურს სოლიდარობა გამოვუცხადო ჩვენს მოსახლეობას ოკუპირებულ აფხაზეთში, რომელსაც ასევე ზიანი მიადგა პანდემიისა და ხანძრისგან", — აღნიშნულია განცხადებაში.

ოკუპირებული აფხაზეთის ადგილობრივი გამოცემა Аҧсны иахьа [აფხაზეთი დღეს] ავრცელებს ინფორმაციას, რომ გაგრაში ხანძარი დასახლებულ პუნქტს უახლოვდება. როგორც ისინი იუწყებიან, ცეცხლი სანატორიუმ მოსკოვთან და საცხოვრებელ სახლთან ახლოს არის.