შინაგან საქმეთა სამინისტროს ინფორმაციით, ბოლო 24 საათში კორონავირუსთან დაკავშირებული შეზღუდვების დარღვევის 974 ფაქტი გამოვლინდა.

პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 104 ფიზიკური პირი 2 000 ლარით დააჯარიმა. როგორც უწყებაში ამბობენ, დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, შსს-ში აცხადებენ, რომ 24 საათის განმავლობაში პირბადის ტარების წესის დარღვევისთვის 870 პირი ფიზიკური პირი 20 ლარით დაჯარიმდა.