პირველი საუნივერსიტეტო კლინიკის ექიმის, ლევან რატიანის თქმით, კორონავირუსის გავრცელება უნდა შეკავდეს და ამისთვის გადაწყვეტილებებია მისაღები. ამის შესახებ მან პოლიტიკის ფორმულაში ისაუბრა.

"არავის ადვოკატი არ ვარ და არავის დამცველი. მე ერთადერთი მინდა ყველას მოვუწოდო და ვთხოვო, როგორც უნდა ისე გაიგოს ყველამ, მოიფიქრონ რამე, რომ ეს ხალხი გადარჩეს", — განაცხადა რატიანმა.

მისი თქმით, საქართველოსთვის კორონავირუსის ყოველდღიური მაჩვენებელი, რომელიც ახლა 4 000 ათასს გაუტოლდა, მაღალია.

"ინფექცია უნდა შეკავდეს. სულ ვიძახდით, რომ უდნა შეკავდეს. ორი გზა ჰქონდა მაშინ სამყაროს, კონსტიტუციური და ლიბერალური. მე არ ვიცი, სამწუხაროდ, ეკონომიკა, ერთადერთი რაც ვიცი, რაც შეიძლება მეტი გადარჩენილი სიცოცხლე უნდა გვყავდეს, ამიტომ ვიღაცამ რაღაც უნდა მოიფიქროს, რომ ქართველი ხალხი გადარჩეს", — აღნიშნა რატიანმა.

23 ნოემბერს საქართველოში კორონავირუსის 3 958 ახალი შემთხვევა დადასტურდა, გამოჯანმრთელდა — 3 531, გარდაიცვალა — 36. სულ ქვეყანაში კორონავირუსის 108 ათასი შემთხვევაა უკვე გამოვლენილი, ხოლო გარდაცვლილთა რაოდენობამ 1 012-ს მიაღწია.

New York Times-ის მიერ გამოქვეყნებული ახალი მონაცემების თანახმად, ბოლო კვირის განმავლობაში, 100 ათას მოსახლეზე ინფიცირების მაჩვენებლით საქართველო კოვიდ-რუკაზე პირველ ადგილს იკავებს. მას შემდეგ ლუქსემბურგი, მონტენეგრო და სერბეთი მოსდევს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: