კორონავირუსი 15 დღის ჩვილმა დაამარცხა. ინფორმაცია ამის შესახებ კლინიკა ბომონდმა გაავრცელა.

ჩვილი 4 დღის იყო, როცა ახალი კორონავირუსი დაუდასტურდა. კლინიკა ბომონდში 11 დღის განმავლობაში მკურნალობდა.

კლინიკის ცნობით, ამ ეტაპზე ინტენსიური თერაპიის განყოფილებაში 26 დღის ჩვილს მკურნალობენ. ჩვილი სასწრაფო დახმარების ბრიგადამ კლინიკაში დედასთან ერთად, სახლიდან ხუთი დღის წინ შეიყვანა. ახალშობილი დედის კონტაქტს წარმოადგენდა. მისი ჯანმრთელობის მდგომარეობა ამ დროისათვის დამაკმაყოფილებელია.

კლინიკის ინფორმაციით, განყოფილებაში კორონავირუსზე საეჭვო სიმპტომებით 4 ჩვილია მოთავსებული. მათი ბიოლოგიური მასალა ლაბორატორიაში კვლევისთვის არის გაგზავნილი.

კლინიკა ბომონდის კოვიდცენტრში 120 პაციენტი განაგრძობს მკურნალობის კურსს, ხოლო გამოჯანმრთელებულთა რაოდენობა 350-ზე მეტია.