გერმანიის მთავრობამ ცოტა ხნის წინ გამოუშვა სახუმარო რეკლამა, რომელიც კორონავირუსის პანდემიის წინააღმდეგ ბრძოლის გმირებს აქებს: სახლში მოკრძალებულად მხარ-თეძოზე მწოლიარე ხალხს.

შაბათს, 14 ნოემბერს, დაპოსტილი ვიდეო იწყება იმით, რომ მოხუცებული კაცი იხსენებს, როგორ "ემსახურებოდა" სამშობლობს, როცა ჯერ კიდევ უბრალო ახალგაზრდა სტუდენტი იყო "2020 წლის ზამთარში, როცა მთელი ქვეყნის თვალები ჩვენკენ იყო მოპყრობილი".

"იმხანად 22 წლის გავხდი და ინჟინერიას ვსწავლობდი, როცა მეორე ტალღამ იფეთქა", — აგრძელებს ის.

ამ დროს ვიდეოში ვიოლინოს ხმა მაყურებლების გულის სიმებზე უკრავს, სცენა კი ნარატორის ახალგაზრდობაზე გადადის.

"უეცრად ამ ქვეყნის ბედი ჩვენს ხელებში აღმოჩნდა. ამიტომაც მთელი ჩვენი სიმამაცე მოვიკრიბეთ და ის ვქენით, რასაც ჩვენგან ელოდნენ, ვქენით ერთადერთ სწორი რამ", — ამბობს ის — "ჩვენ არაფერი არ ვქენით".

"გადიოდა დღეები და ღამეები და ჩვენ, ზურგზე წამოწოლილები, სახლში ვრჩებოდით და კორონავირუსის გავრცელებას ვებრძოდით. ჩვენი დივანი ფრონტის ხაზი იყო, ჩვენი მოთმინება კი — მთავარი იარაღი", — აგრძელებს ნარატორი.

რეკლამა მთავრდება მთავრობის მესიჯით, რომ "შენც შეგიძლია, გახდე გმირი, თუკი სახლში დარჩები".

გერმანიამ COVID-19-ის გავრცელებისთვის ხელის შესაშლელად ნოემბრის დასაწყისში ქვეყანაში ახალი შეზღუდვები შემოიღო და დახურა რესტორნები, ბარები და სავარჯიშო დარბაზები, ასევე საჯარო და პირად სივრცეებში ხალხის შეკრების რაოდენობრივი შეზღუდვა დააწესა.

სამთავრობო რეკლამის სრული ვიდეო შეგიძლიათ იხილოთ აქ: