რუსთავი 2-ის გენერალურმა დირექტორმა ნიკა გვარამიამ ცოტა ხნის წინ გამართულ ბრიფინგზე განაცხადა, რომ სასამართლოზე ზეწოლის განსახორციელებლად ივანიშვილს ახალი კაცი ჰყავს, ივანე ზარდიაშვილი, რომელიც ეკა ბესელიას მოადგილეა იურიდიულ კომიტეტში.

"ბრალდება ყველაფერზე შეიძლება ისმოდეს, რაღაცა X და Y ინკოგნიტო წყარო ამბობს, რომ შესაძლოა ზეწოლა ხორციელდებოდეს, ოთხი გვარი მოვისმინეთ, ახლა მეხუთეც, მეექვსე გვარი ვინ იქნება? ზარდიაშვილზე თუ მეკითხებით, ამას სერიოზულად ვერ ვღებულობ" - უთხრა მან რუსთავი 2-ის ჟურნალისტს, კითხვაზე, რამდენად შესაძლებელია რომ ის ზეწოლას ახორციელებდეს.

ნიკა გვარამიამ დღეს განაცხადა, რომ რუსთავი 2-ის საქმეზე გადაწყვეტილების მიღებამდე უზენაეს სასამართლოზე ზეწოლა ხორციელდება, რასაც ბიძინა ივანიშვილი სხვადასხვა ადამიანების დახმარებით ახერხებს. მათგან ერთ-ერთი კი ვანო ზარდიაშვილია.