შეცვალეს აქტივისტებმა შაქშაქეთის საგუშაგოსთან საპროტესტო აქცია გამართეს. პოლიციის თანამშრომლები მათ ატოცში ჩასვლის უფლებას არ აძლევენ.

აქციის მონაწილეები აცხადებენ, რომ პოლიცია სხვა მოქალაქეებს ატარებს, მათ კი უსაფრთხოების მოტივით კონსტიტუციურ უფლებას უზღუდავენ. როგორც შინაგან საქმეთა სამინისტროს წარმომადგენელმა განმარტა, ის ხელმძღვანელობს კანონით პოლიცის შესახებ, რომლის მიხედვითაც უფლებამოსილია დროებით შეზღუდოს გადაადგილების უფლება, თუ ეს არის საფრთხისშემცველი აღნიშნული პირების ან გარშემომყოფებისთვის.

თითქმის ერთი წლის შემდეგ, 19 ოქტომბერს ატოცში უკანონო ბორდერიზაციის პროცესი განახლდა. ამჯერად საოკუპაციო რეჟიმი მათივე ჩადგმულ ბოძებს შორის ღობეებს ავლებს.

სახელმწიფო უსაფრთხოების სამსახურის ინფორმაციით, მომხდარის გამო გააქტიურებულია "ცხელი ხაზი" და ინფორმირებულია ევროკავშირის სადამკვირვებლო მისია. შინაგან საქმეთა მინისტრის, ვახტანგ გომელაურის განცხადებით, ესკალაციის საფრთხე არ არსებობს. მისივე თქმით, ქართული მხარე სიტუაციას სრულად აკონტროლებს.