"ეგრე უნდა აარტყა ყველა კაცს, რომელიც მორალზე დაგიწყებს ღლიცინს", — წერს Facebook-ზე ჟურნალისტი, ინგა გრიგოლია პარლამენტში მომხდარ დაპირისპირებასთან დაკავშირებით და ეკა ბესელიას სოლიდარობას უცხადებს.

"ყველაფერი აკადრეს ამ ადამიანს, რასაც ნორმალურ ქვეყანაში ვერავინ გაბედავდა, უქვეყნეს და უქვეყნეს პირადი ცხოვრების კადრები, გადაუარეს, ხოდა მაშინვე ვთქვი, რომ ეკას სოლიდარული ვიყავი ამ ამბავში, როცა მასთან პირადი კადრებით დაიწყეს ანგარიშსწორება. ეგრე უნდა აარტყა ყველა კაცს, რომელიც მორალზე დაგიწყებს ღლიცინს", — აღნიშნავს გრიგოლია.

დღეს, 26 სექტემბრის სხდომაზე ვანო ზარდიაშვილმა მოსამართლე მირანდა ერემაძის მოსმენის დროს ახსენა სიტყვები "ბესელიას მორალი", რის გამოც ბესელია მას ხელით შეეხო.

ეკა ბესელიას მსგავსად, ინგა გრიგოლიამაც არაერთხელ ისაუბრა იმის შესახებ, რომ მას პირადი ცხოვრების ამსახველი კადრების გავრცელებით ემუქრებიან.