განათლების, მეცნიერების, კულტურისა და სპორტის მინისტრის მოადგილე, მიხეილ გიორგაძე სამკურნალოდ თურქეთის კლინიკაში გადაიყვანეს. როგორც ინგოროყვას კლინიკის პრესსამსახურმა On.ge-ს უთხრა, გიორგაძის გადაყვანა ოჯახმა მოინდომა. მათივე თქმით, მინისტრის მოადგილის ჯანმრთელობა უმჯობესდება.

მიხეილ გიორგაძე 17 ნოემბერს ყვარელში ავარიაში მოყვა. რამდენიმე დღის განმავლობაში ის რეანიმაციაში მართვის სუნთქვაზე იყო.

საქმეზე უკვე დაიწყო გამოძიება სისხლის სამართლის კოდექსის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.