ქართველმა ავიამეთვალყურემ, გიორგი სარალიძემ ფრანგ მფრინავს რუსულად მომართვის გამო შენიშვნა მისცა. გიორგი საქაერონავიგაციის ავიამეთვალყურედ უკვე ცხრა წელია მუშაობს. მისი სამსახურის მთავარი ფუნქცია საქართველოს საჰაერო სივრცეში მოძრავი საჰაერო ხომალდების უსაფრთხო გადაადგილების უზრუნველყოფაა.

ეს პროცესი კი გულისხმობს, სხვადასხვა ეროვნების პილოტებთან მუდმივ ვერბალურ კომუნიკაციას, ეს კომუნიკაცია ხდება მხოლოდ ინგლისურ ენაზე.

როგორც გიორგი On.ge-ს უყვება, მიღებულია, რომ როდესაც საჰაერო ხომალდი შემოდის შენი ქვეყნის საჰაერო სივრცეში, უპირველესად მოგესალმება, დავუშვათ "გამარჯობა" და ამბობს თავის დასახელებას, ანუ იქნება ეს ბრითიშ ეარვეისი, ლუფთჰანზა თუ ეარ ფრანსი. მფრინავები ცდილობენ, რომ რომელი ქვეყნის საჰაერო სივრცეშიც შედიან იმ ქვეყნის ენაზე მიესალმონ.

გიორგის თქმით, წარსულიდან გამომდინარე დღესაც ქართველებს რუსებთან აიგივებენ.

"ერთ ჩვეულებრივ საღამოს, როდესაც ჩემს სამუშაო პოზიციაზე ვიყავი და ჩვენს საჰაერო სივრცეში შემოვიდა საფრანგეთის ავიახაზები ეარ ფრანსი. ყველა ავიაკომპანიას აქვს თავისი აბრევიატურა. ეარ ფრანსის შემთხვევაში ეს არის AFR და ციფრები 123 პირობითად იმიტომ, რომ ზუსტად ნამდვილად არ მახსოვს რა ციფრები იყო", — ამბობს გიორგი.

ავიამეთვალყურისა და მფრინავის დიალოგი კი ასე წარიმართა:

ფოტო: საქაერონავიგაცია

გიორგის ამ ისტორიას დიდი გამოხმაურება მოჰყვა ფეისბუქზე და ყველა მის ისტორიას აზიარებს. როგორც On.ge-სთან ყვება მისთვის ეს დღე მოულოდნელი იყო, რადგან ორიწლისწინანდელი ისტორია უბრალოდ მეგობარს დაუკომენტარა.