კომპანია სვენეთი ჰიდრომ, რომელიც მესტიაჭალაჰესს აშენებს მესტიის პირველ საჯარო სკოლაში სააქტო დარბაზი თანამედროვე სივრცედ მოაწყო და საზეიმოდ გახსნა. ახალი სააქტო დარბაზის გახსნის ღონისძიებაში მესტიის ყველა სკოლის მოსწავლე მონაწილეობდა.

მესტიის პირველი საჯარო სკოლის დირექტორის თქმით, წლების განმავლობაში სკოლაში არ არსებობდა სივრცე, სადაც მოსწავლეები შეძლებდნენ სხვადასხვა საინტერესო შეხვედრების, საჯარო ლექციებისა თუ შემოქმედებითი საღამოების გამართვას.

ფოტო: სვანეთი ჰიდრო

"განახლებულ სააქტო დარბაზს სკოლისთვის განსაკუთრებული მნიშვნელობა აქვს. შესაძლებლობა მოგვეცა სწავლების პროცესი უფრო მრავალფეროვანი და საინტერესო გავხადოთ", — აცხადებს მესტიის პირველი საჯარო სკოლის დირექტორი, ნანა რატიანი.

სვენთი ჰიდრო მესტიაში მოზარდი თაობის და განათლების მხარდასაჭერად სხვადასხვა სოციალურ პროექტებს ახორციელებს. კომპანიის განცხადებით მათ მუდმივი კომუნიკაცია აქვთ ადგილობრივ მოსახლეობასთან და სოციალური პროექტები მათ საჭიროებებზეა მორგებული.

"სააქტო დარბაზის კეთილმოწყობით ჩვენ შევეცადეთ მესტიის მოსწავლეებისა და ახალგაზრდებისთვის შეგვექმნა სივრცე, სადაც შეძლებენ სხვადასხვა შემეცნებითი და შემოქმედებითი საღამოების გამართვას, რაც მომავალში მათი განვითარების აუცილებელი წინაპირობაა", — განაცხადა სოფიო ნატროშვილმა, სვანეთი ჰიდროს საინფორმაციო ცენტრის ხელმძღვანელმა.

ფოტო: სვანეთი ჰიდრ

აღსანიშნავია, რომ დღემდე კომპანიამ სვანეთი ჰიდრო მესტიის მოსახლეობისთვის 1 მლნ ლარზე მეტის სოციალური და ინფრასტრუქტურული პროექტები განახორციელა.

კომპანია სვანეთი ჰიდრო დაბა მესტიაში არადაგუბებითი ტიპის ჰესს, მესტიაჭალა ჰესს, თანამედროვე ტექნოლოგიური სტანდარტების სრული დაცვით აშენებს. ჰესის ჯამური საინვესტიციო ღირებულება 65 მლნ დოლარია.