პალიტრამედიის სტამბის, კოლორის დირექტორი, გიორგი ჟორჟოლიანი ამბობს, რომ პროკურატურის თანამშრომლებმა არ განუმარტეს რომელი საქმის ფარგლებში შევიდა საგამოძიებო უწყება მათთან დოკუმენტების ამოსაღებად. ამის შესახებ ჟორჟოლიანი On.ge-ს ესაუბრა.

"არ ვიცით რასთან არის დაკავშირებული და შესაბამისად, ცოტათი გაოცებულები ვართ, მათაც ვუთხარით", — განაცხადა სტამბის დირექტორმა.

ჟორჟოლიანი არ საუბრობს საგამოძიებო უწყებების შესვლის შესაძლო მიზეზებზე. კითხვაზე, უკავშირებს თუ არა ის პროკურატურის მათთან შესვლას ყოფილი მინისტრის, დიმიტრი ქუმსიშვილის საქმეს, სტამბის დირექტორი ასე პასუხობს:

"მე ვერ გეტყვით კონკრეტულად, შეიძლება ბევრი რამე ვიფიქრო, მაგრამ რასთან არის დაკავშირებული ეს შეიძლება, რომ შევცდე".

On.ge ამ დრომდე ელოდება პროკურატურიდან ამ საქმესთან დაკავშირებით კომენტარს.