კამერუნის ციხიდან 160-ზე მეტი პატიმარი გაიქცა. როგორც ადგილობრივი ხელისუფლების წარმომადგენელი ამბობს, პატიმრებმა გაქცევა მას შემდეგ შეძლეს, რაც შეიარაღებული პირები ციხეს თავს დაესხნენ.

AfricaNews-ის ცნობით, პატიმრების გაქცევის შემდეგ, თავდასხმელებმა ციხეს ცეცხლიც წაუკიდეს. გამოცემის ინფორმაციით, ზოგიერთი გაქცეული პატიმარი ნებაყოფლობით დაბრუნდა. ხელისუფლება კი დანარჩენ პატიმრებს მოუწოდებს, რომ თავისივე ნებით დაბრუნდნენ ციხეში და სასჯელს არ დაუმძიმებენ.

ეს პირველი შემთხვევა არ არის, როცა კამერუნის ციხიდან პატიმრებმა გაქცევა მოახერხეს.