The Handmaid’s Tale-ის რეჟისორი, რიდ მორენო Fox Searchlight-ის დაკვეთით ანა ფრანკის შესახებ ფილმს, Keeper of the Diary, გადაიღებს.

თავდაპირველად პროექტზე სამუშაოდ Fox-მა კენეტ ბრანა მიიწვია, თუმცა მათ შეთანხმება ვერ მოახერხეს. ფილმის სცენარი 5 წლის წინ სემ ფრანკომ და ევან კილგორმა დაწერეს.

ანა ფრანკი ებრაელი იყო, რომელიც ჰიტლერის ოკუპაციის პერიოდში ნაცისტური ტერორისგან თავდასაცავად ამსტერდამში, პატარა სარდაფში ოჯახთან ერთად აფარებდა თავს. ამ პერიოდში ის დღიურსაც წერდა, რომელმაც ფაშიზმის საშინელ ქმედებებს ფარდა ახადა.

ანა ფრანკი იმალებოდა სახლის მეორე სართულზე თავის დასთან, მშობლებთან და კიდევ ერთ ებრაულ ოჯახთან ერთად. იმ დროს, როდესაც ებრაელებს (და არა მარტო მათ) შეუბრალებლად ხოცავდნენ ანას სჯეროდა, რომ ადამიანები გულის სიღრმეში კეთილები იყვნენ. ანა ფრანკი გარდაიცვალა 15 წლის ასაკში. დაიღუპა მისი დაც, რომელიც 2 წლით იყო მასზე უფროსი. როგორც ცნობილია, ანას დედა უარს ამბობდა საკუთარ საკვებზე, რათა თავისი შვილებისთვის გაენაწილებინა. როგორც მოწმეები აცხადებენ, ანას და მის დას ერთ ბნელ ოთახში უწევდათ ცხოვრება. ამ საშინელ პერიოდს გადაურჩა მხოლოდ ანას მამა.