ოსკარის ნომინანტი მარგო რობი წარმატებულ კინოკარიერას განაგრძობს. ამჯერად ის ვოგან შტერნის ახალ ფილმში, Terminal, საბედნისწერო ქალის როლს მოირგებს.

ფილმი ორი დაქირავებული მკვლელის ისტორიას გვიყვება, რომელთაც საერთო სამიზნე ჰყავთ. მისიის შესრულების პროცესში კი გამოჩნდება ქალი, რომელიც იმაზე მეტად არის სამივე პერსონაჟთან დაკავშირებული, ვიდრე რომელიმე მათგანს წარმოუდგენია.

გარდა მთავარი როლისა, მარგო რობი ფილმის პროდიუსერიც იქნება.

კინოსურათი ეკრანზე 11 მაისს გამოვა.