შეიარაღებული ძალების გენერალური შტაბის უფროსმა, ვახტანგ კაპანაძემ განაცხადა, რომ ავღანეთის მტკიცე მხარდაჭერის მისიაში საქართველო ჯერჯერობით აქამდე განსაზღვრული ამოცანებით და იმავე რაიონებში რჩება:

"ვრჩებით კოალიციის შემადგენლობაში, ვაგრძელებთ მისიას. რა თქმა უნდა, მოქნილად ვახორციელებთ ჩვენს ამოცანებს. შესაბამისად, დამოკიდებულები ვართ გეგმებზე, რომელსაც მისიის ხელმძღვანელობასთან ერთად ვამუშავებთ. ასე რომ, რაოდენობა, რომელიც დღეს გაგვაჩნია, რჩება იმ რაიონებში და იმ ამოცანებით, სადაც არის - ქაბულში, მაზარ-ი-შარიფში, ბაგრამში. ვნახოთ, როგორ განვითარდება მოვლენები. ჯერჯერობით ამ ფორმატში ვაგრძელებთ მუშაობას, ერთად ვახორციელებთ დაგეგმვას. პირველადი მონაცემებით, ჩვენი მისია არ იცვლება".

ვარშავის სამიტზე ნატომ მიიღო გადაწყვეტილება ავღანეთისთვის სამხედრო და ფინანსური დახმარების გაგრძელებასა და საქართველოსთან, უკრაინასა და მოლდოვასთან პოლიტიკური და პრაქტიკული თანამშრომლობის გაძლიერების შესახებ.

როგორ თინა ხიდაშელმა განმარტა, საქართველოს პრეზიდენტმა დაადასტურა საქართველოს პოზიცია, რომ ქართველი ჯარისკაცები რჩებიან იქ მისიის დასრულებამდე.