15 მარტს, 19:00 საათზე ინოვაციების და ტექნოლოგიების სააგენტოს ორგანიზებით, ტექნოპარკში (ინოვაციების ქუჩა # 7) პროექტ Startup Beats - ის ფარგლებში მომდევნო შეხვედრა გაიმართება.

კრეატიულობის იოგა - Startup Beats-ის სტუმარი ლექტორი, ბიზნესის მართვის და აიტის სპეციალისტი ანდრო დგებუაძე იქნება.

სტუმარი საკუთარ გამოცდილებაზე დაყრდნობით ისაუბრებს შემეცნებისა და კრეატიულობის პროცესსა და თეორიაზე, თავისუფლების ფილოსოფიაზე, იმ გზებსა და საშუალებებზე, რომლითაც კრეატიულ უნარებს გამოვიმუშავებთ. ასევე, რა შეგვიძლია ვისწავლოთ აღმოსავლეთის თუ დასავლეთის დიდი მოაზროვნეებისგან ამ თემასთან დაკავშირებით.

Startup Beats ინოვაციების სააგენტოს პროექტია, რომლის მიზანია, საქართველოში არსებულ სტარტაპებს გამოცდილება სხვადასხვა სფეროში მოღვაწე წარმატებულმა და გამოცდილმა ადამიანებმა გაუზიარონ. პროექტის მიზანია საქართველოში სტარტაპ ეკოსისტემის ხელშეწყობა.

ღონისძიებაზე დასასწრებად რეგისტრაციის გავლა ამ ბმულზე შეგიძლიათ.