ბევრისთვის დაუჯერებელია, მაგრამ ლეგენდარული ტელეწამყვანი, ყველაზე მხიარული, სასაცილო, ძალიან ჭკვიანი და უბრალოდ შეუდარებელი ელენ დეჯენერესი უკვე 60 წლის არის.

საკუთარი კარიერის განმავლობაში, რომელიც 40 წელზე მეტს ითვლის, ელენმა ძალიან ბევრი რამ გააკეთა, არამხოლოდ თავის საქმიანობაში, არამედ, სამყაროს უკეთესობისკენ შეცვლაშიც.

60 წლის დაბადების დღეზე წამყვანმა უამრავი ცნობილი ადამიანის მილოცვა და სიყვარული მიიღო.

ვიდეო მილოცვა დეჯენერესს ისეთმა მეგობრებმა გაუგზავნეს, როგორიცაა ტეილორ სვიფტი, კრის პრატი, ტომ ჰენკსი, მერილ სტრიპი, ემინემი, ჰილარი კლინტონი და სხვები.

თუმცა ყველაზე ორიგინალური მაინც მისი მეუღლე, პორშა დე როსი იყო, რომელმაც ელენს სანუკვარი საჩუქარი გაუკეთა და როგორც ცხოველთა უფლებების დამცველს, რუანდაში გრანდიოზული კომპლექსი აუშენა, რომელიც გორილების უფლებებს დაიცავს.

გარდა ამისა, არც ელენი დარჩა თვისი ერთგული მაყურებლების მიმართ უყურადღებო და მის საიუბილეო გადაცემაზე დამსზრე აუდიტორიას ერთი მილიონი დოლარი აჩუქა.

ელენმა, რა თქმა უნდა ეკრანს მიღმაც განაგრძო დაბადების დღის აღნიშნვა და დიდი წვეულება მოაწყო, რომელსაც ჰოლივუდის თითქმის ყველა ვარსკვლავი ესწრებოდა.

გთავაზობთ რამდნეიმე ფოტოს ლეგენდარული წამყვანის დაბადების დღიდან:

ელენი იყო პირველი ღიად ლესბოსელი ქალი, რომელიც თოქ-შოუს წამყვანი გახდა, ამავდროულად ის ყოველ წელს ხვდება Forbes-ის ყველაზე მაღალანაზღაურებადი სატელევიზიო ვარსკვლავების სიაში და Hollywood Reporter-ის სიაში, როგორც შოუბიზნესის ყველაზე გავლენიანი ადამიანი.

2016 წელს, აშშ-ის ყოფილმა პრეზიდენტმა, ბარაკ ობამამ მას თავისუფლების საპრეზიდენტო მედლი გადასცა. ესაა ყველაზე მაღალი ჯილდო, რომელიც ამერიკის მოქალაქემ შეიძლება მიიღოს.

"მარტივი დასავიწყებელია რა გამოიარე, როცა ძალიან შორს წახვალ, მითუმეტეს ახლა, როდესაც ქორწინების უფლება კანონით ყველას თანასწორად ეკუთვნის. უბრალოდ წარმოიდგინეთ, რამხელა სიმამაცე დასჭირდებოდა ელენს, თითქმის 20 წლის წინ, როდესაც საზოგადოების წინაშე საჯაროდ წარსდგა. როგორი მნიშვნელოვანი იყო ეს მაშინ, არა მხოლოდ ლგბტ საზოგადოებისთვის, არამედ ყველა ჩვენგანისთვის, რომ გვენახა, რომ ვიღაც, ასეთი სიკეთით სავსე და ნათელი, ვინც ასე ძალიან მოგვწონდა, ვინც შეიძლება ყოფილიყო ჩვენი მეზობელი, კოლეგა ან და, ყველა ჩვენგანის პასუხისმგებლობას იკისრებდა.

მან გარისკა თავისი კარიერა, ადამიანები ამას ხშირად არ აკეთებენ. ელენი ჩვენ გვაერთიანებს, შთაგვაგონებს, ერთი ხუმრობითა და ერთი ცეკვით ის უკეთესად გვხდის", - თქვა დაჯილდოებისას ბარაკ ობამამ.

1997 წელს, როდესაც ელენის სერიალის მეოთხე სეზონი გადიოდა, დეჯენერესმა ქამინგ აუთი (საკუთარი სექსუალური ორიენტაციის გამჟღავნება) გააკეთა. ამავე პერიოდში ის ჟურნალ Time-ის მთავარი პერსონაჟიც გახდა და ოპრა უინფრის შოუშიც ხმამაღლა ისაუბრა ამ თემაზე.