აუდიტის სამსახურის ანგარიშის მიხედვით, სამეურვეო საბჭოს ყოფილ წევრს, რომელსაც უფლებამოსილების ვადა უკვე შეწყვეტილი ჰქონდა, 5 თვის განმავლობაში ჰონორარის სახით უსაფუძვლოდ მიღებული აქვს 12 800 ლარი.

როგორც საზოგადოემბრივი მაუწყებლის პროტოკოლის ხელმძღვანელმა On.ge-ს უთხრა, ეს ბუღალტერიის მექანიკური შეცდომა იყო, რადგან მათ ინფორმაცი არ ჰქონდათ, რომ საბჭოს წევრს ვადა გაუვიდა. სამეურვეო საბჭოს ის წევრი, რომელმაც ეს თანხა მიიღო ლელა გაფრინდაშვილია.

პროტოკოლის ხელმძღვანელისგან განსხვავებით, ლელა გაფრინდაშვილმა თქვა, რომ მან ანაზღაურება კონკრეტული სამუშაოსთვის, კერძოდ კი კვლევის ანგარიშისთვის მიიღო. როგორც მან On.ge-ს უთხრა, ანგარიში მან მას შემდეგ მიიტანა, რაც საბჭოს წევრი აღარ იყო:

"საგადასახადოს, რაც კითხვები ჰქონდა, ახსნა-განმარტება მივიტანე და ამით [საკითხი] დამთავრდა".

აუდიტის დასკვნა 2015 წლის 1 იანვარიდან 2016 წლის 31 დეკემბრამდე საანგარიშო პერიოდს ეხება. ანგარიშში ნათქვამია, რომ ხელფასის გაცემის პროცესში, არ ხდება თანამშრომელთა რეალურად ნამუშევარი დროის გათვალისწინება.

აუდიტის სამსახურის დასკვნაში ვკითხულობთ, რომ მსგავსი ფაქტები მიანიშნებს, რომ მაუწყებელში მნიშვნელოვანი ხარვეზებია საკადრო რესურსების მართვის კუთხით, რაც წარმოშობს საბიუჯეტო ხარჯების არამიზნობრივი განკარგვის რისკებს.