მთავრობის დღევანდელ სხდომაზე, პრემიერმინისტრმა, გიორგი კვირიკაშვილმა სტამბოლში მომხდარი ტერაქტის გამო მწუხარება კიდევ ერთხელ გამოხატა და სამძიმარი გამოუცხადა თურქ ხალხს:

"კიდევ მეტი ძალისხმევაა ალბათ საჭირო უსაფრთხოების კუთხით ჩვენს სტრატეგიულ პარტნიორებთან და არა მხოლოდ მათთან თანამშრომლობისთვის. ყველაფერი უნდა გავაკეთოთ იმისთვის, რომ მაქსიმალური კონტროლი იყოს და ასეთი რაღაცები არ მოხდეს".

28 ივნისს, ღამით, სტამბოლის ათათურქის სახელობის აეროპორტში, აფეთქებას სულ 42 ადამიანი ემსხვერპლა 239-ზე მეტი კი დაშავებულია. მომხდარზე ჯერჯერობით არცერთ ტერორისტულ დაჯგუფებას არ აუღია პასუხისმგებლობა.