თბილისში, რუსთაველის გამზირის ტროტუარზე ლურჯი ბილიკი დახატეს. ფოტო, სადაც ოპერის მიმდებარე ტერიტორია და ლურჯად შეღებილი ტროტუარი ჩანს, ფეისბუქ მომხმარებელმა გიგა მაქარაშვილმა გაავრცელა:

დედაქალაქის მერიაში On.ge-ს უთხრეს, რომ 28-29 ნოემბერს ტარდება თბილისის აბრეშუმის გზის ფორუმი და სწორედ ამის ფარგლებში შეიღება ტროტუარი, ღონისძიების დასრულების შემდეგ კი იგი პირველად სახეს დაუბრუნდება.

აბრეშუმის გზის რიგით მეორე ფორუმში მსოფლიოს 50-მდე ქვეყნიდან 1000-ზე მეტი დელეგატი მიიღებს მონაწილეობას. იგი საქართველოს პრემიერ-მინისტრის პატრონაჟით, ეკონომიკისა და მდგრადი განვითარების სამინისტროსა და საგარეო საქმეთა სამინისტროს ორგანიზებით ტარდება.