თუ ყველაფერი ისე წავიდა, როგორც SpaceX-სა და ილონ მასკს უნდათ, ადამიანები მარსზე ფეხს 2024 წელს დადგამენ. გეგმის მიხედვით, მარსზე პირველი ტვირთი 2022 წელს ჩავა, იმავე წელს დაიწყება ინფრასტრუქტურის განვითარებაც.

მარსის კოლონიზაციის პროცესში ჩართვა ლუდის მწარმოებელ Budweiser-საც უნდა, რომელიც წითელი პლანეტის ახალ ბინადრებს ლუდით მოამარაგებს. ცხადია, ერთი პლანეტიდან მეორეზე ლუდის ტრანსპორტირება ძვირი დაჯდება, ამიტომ ბადვაიზერს მარსზევე მოუწევს სასმელის ხარშვა. ამისთვის კი, საჭიროა სპეციალური მეთოდის შემუშავება.

პირველი ეტაპი, რომელსაც ბადვაიზერი გაივლის, ქერის კოსმოსში გაგზავნა და 30 დღის განმავლობაში დაკვირვება იქნება. მარცვლეული საერთაშორისო კოსმოსურ სადგურზე SpaceX-ის ტვირთთან ერთად 4 დეკემბერს გაიგზავნება, 30 დღის შემდეგ კი, მას დედამიწაზე დააბრუნებენ და მიკროგრავიტაციის პირობებში განცდილ ცვლილებებს დააკვირდებიან.