აჭარის ტელევიზიის ჟურნალისტი კობა ფარტენაძე გაათავისუფლეს, ამის შესახებ მისი ადვოკატი თემურ ქავშბაია სოციალურ ქსელში წერს.

აჭარის ტელევიზიისა და რადიოს თანამშრომელი კობა ფარტენაძე "ინტერპრესნიუსთან" საუბრისას აცხადებს, რომ სასამართლო დღეს, 18 აგვისტოს, გაიმართება. მისივე თქმით, ის იზოლატორიდან ხელწერილის საფუძველზე გამოუშვეს.

"იზოლატორიდან ხელწერილის საფუძველზე გამათავისუფლეს, სასამართლო პროცესი ხვალ გაიმართება, სხვა დეტალებზე ამ ეტაპზე ვერ ვისაუბრებ", — განუცხადა კობა ფარტენაძეს "ინტერპრესნიუსთან".

შეგახსენებთ, გუშინ, 17 აგვისტოს, აჭარის ტელევიზიის ჟურნალისტი კობა ფარტენაძე ადმინისტრაციული წესით წვრილმანი ხულიგნობისა და პოლიციის კანონიერი მოთხოვნისადმი დაუმორჩილებლობის მუხლებით დააკავეს.

ცნობისთვის, 16 აგვისტოს მეტეოროლოგ კობა ფარტენაძეს, ბათუმში, ევროპის მოედანზე, კვლავ დაესხნენ თავს. მანამდე, აჭარის საზოგადოებრივი მაუწყებლის ჟურნალისტმა და მეტეოროლოგმა, კობა ფარტენაძემ, სოციალურ ქსელში ვიდეო გაავრცელა, სადაც ისმის, თუ როგორ ემუქრება უცნობი კაცი. ბათუმის საქალაქო სასამართლომ კობა ფარტენაძის მიმართ განხორციელებულ დაჭრის მუქარასა და ძალადობაში ბრალდებულ ორ პირს 7 000-7 000-ლარიანი გირაო შეუფარდა.