საქართველოს სახელმწიფო ელექტროსისტემის გენერალური დირექტორი ვანო ზარდიაშვილი თანამდებობიდან გაათავისუფლეს — ინფორმაციას BMG რამდენიმე წყაროზე დაყრდნობით ავრცელებს.

სოციალურ ქსელში გავრცელებული ინფორმაციით, ზარდიაშვილის გადადგომა 24-25 ივლისს, საქართველოს მასშტაბით ელექტროენერგიის გათიშვას უკავშირდება. BMG-ის ცნობით, ზარდიაშვილმა გადადგომის შესახებ განცხადება დაწერა და ამჟამად შვებულებაში იმყოფება. ეკონომიკის სამინისტრომ BMG-ს დაუდასტურა, რომ ზარდიაშვილი შვებულებაშია, თუმცა სისტემიდან მისი წასვლა არ დაუდასტურებია.

ენერგეტიკის სექტორში ვრცელდება ინფორმაცია, რომ ვანო ზარდიაშვილს საქართველოს გაზის ტრანსპორტირების კომპანიის მოქმედი დირექტორი დავით ვარდიაშვილი შეცვლის.

ვანო ზარდიაშვილი სს "საქართველოს სახელმწიფო ელექტროსისტემის" გენერალურ დირექტორად 2025 წელს დაინიშნა. 2021-2025 წლებში ის კომპანიის დირექტორი იყო იურიდიულ, გარემოს დაცვის, სოციალურ და ნებართვების საკითხებში. 2020-2021 წლებში კი სსე-ის მმართველთა საბჭოს წევრის თანამდებობა ეკავა. 2019-2020 წლებში შპს "ენერგოტრანსის" დირექტორის პირველი მოადგილე იყო.