ალბათ უკვე იცით, რომ 2017 წლის შემოდგომაზე Sex and the City-ის მესამე ნაწილის გადაღებები უნდა დაწყებულიყო. და შესაძლოა ისიც იცოდეთ, რომ მისი გადაღებები მანამ შეჩერდა, სანამ დაიწყებოდა. ამის შესახებ მსოფლიოს სარა ჯესიკა პარკერმა ამცნო.

როგორც აღმოჩნდა, სერიალის გადაღებები კიმ კეტრელის გამო შეჩერდა, თუმცა მსახიობის თქმით, მან მესამე ფილმზე უარი ჯერ კიდევ 2016 წელს თქვა. "სამანტა ჩემი გმირი იყო, თუმცა ახლა დასვენება მინდა" - დასძინა მან.

სარა ჯესიკა პარკერის განცხადების გავრცელების შემდეგ, Sex and the City-ს მსახიობები ტვიტერზე ერთმანეთს დაუპირისპირდნენ.

ცოტა ხნის წინ, კიმ კეტრელი შოუში Piers Morgan's Life Stories გამოჩნდა და განაცხადა, რომ ის არასდროს მეგობრობდა სერიალის გმირებთან:

"ჩვენ არასდროს ვყოფილვართ მეგობრები. ჩვენ კოლეგები ვიყავით და ეს ჩემთვის ჯანსაღი ურთიერთობა იყო, რადგან ასე ვტოვებდი ზღვარს პირად ცხოვრებასა და პროფესიას შორის".

თვის დასაწყისში, American Horror Story-ის შემქმნელი, რაიან მერფი, რომელსაც HBO-მ Sex and the City-ის მესამე ნაწილის გადაღება შესთავაზა, ამბობს, რომ ფილმის გადაღება ძალიან მარტივი იქნება თუ სამანტა ჯონსის როლს სხვა შეასრულებს.