ბათუმში თევზისა და თევზპროდუქტების გადამამუშავებელი საწარმო შპს "როიალ ფიშ ბათუმში" 5 ტონაზე მეტი ვადაგასული თევზი ამოიღეს. ამის შესახებ ინფორმაციას სეს ავრცელებს. მათი ცნობით, ბიზნესოპერატორი დაჯარიმდა და საწარმოო პროცესი შეუჩერდა, ვადაგასული სურსათი კი შემდგომი განადგურების მიზნით დაილუქა.

"სურსათის დეპარტამენტის წარმომადგენლებმა, აჭარის დეპარტამენტის ინსპექტორებთან ერთად ბათუმში თევზისა და თევზპროდუქტების გადამამუშავებელი საწარმო შპს "როიალ ფიშ ბათუმი"(მისამართი: ნიკო ჯაყელის ქ N18) არაგეგმურად შეამოწმეს. აღმოჩენილია 5 ტონაზე მეტი ვადაგასული თევზი. ინსპექტირებისას გამოვლინდა კრიტიკული შეუსაბამობები. სეს-ის ცნობით, ბიზნესოპერატორი რეგისტრაციისა და სავალდებულო აღიარების გარეშე საქმიანობდა.

კანონმდებლობის შესაბამისად, ბიზნესოპერატორი დაჯარიმდა და საწარმოო პროცესი შეუჩერდა, ვადაგასული სურსათი კი შემდგომი განადგურების მიზნით დაილუქა, — წერია სეს-ის მიერ გავრცელებულ ინფორმაციაში.