ბოთლების ჩამბარებელი აპარატების მოთხოვნით, 20 ოქტომბერს, 17:00 საათზე თბილისში აქცია გაიმართება. აქციის ორგანიზატორების აზრით, ჩვენი ქვეყანა, მასში მაცხოვრებელი ყოველი ადამიანის სახეა და სწორედ ამიტომ, მთელი ქვეყნის მასშტაბით ე.წ ბოთლიყლაპიას დადგმას მოითხოვენ.

სრულიად აპოლიტიკური და ძალიან პოზიტიური აქციის მიმდინარეობისას, საზოგადოება კიდევ უფრო მეტს გაიგებს აღნიშნული ინიციატივის შესახებ, რომელიც უკვე გახდა განვითარებული და წარმატებული ქალაქების ერთ-ერთი სავიზიტო ბარათი და მათ დიდი სარგებელიც მოუტანა.

ერთის მხრივ გარემოს დაბინძურებისაგან დაცვა და ასევე უკიდურესად გაჭირვებული ადამიანებისათვის, საარსებოდ აუცილებელი შემოსავლის ქონა - ის ორი საზოგადოებრივი სიკეთეა, რომელიც თბილისის თუ საქართველოს სხვა ნებისმიერი ქალაქის ქუჩებში, მსგავსი აპარატების გამოჩენა უზრუნველყოფს.