სურსათის ეროვნულმა სააგენტოს განცახდებით, Fire Wok-ს, "ბამბუს" და კვების კიდევ 7 ობიექტს თბილისში საწარმოო პროცესი შეუჩერდა. ამას გარდა, ბიზნესოპერატორები დაჯარიმდნენ.

სააგენტოს თქმით, კონტროლის ფარგლებში, ინსპექტირება 20-მდე ობიექტში ჩატარდა. მათგან 9-ში კრიტიკული შეუსაბამობები გამოვლინდა.

კრიტიკული შეუსაბამობები გამოვლენილია შემდეგ კვების ობიექტებში:

  • შპს "კოსმო ინკ", ბრენდული დასახელება Fire Wok (ს/კ 402029185; მის.: ქ. თბილისი, დადიანის 20);
  • ინდმეწარმე ჰ. ს. (მის.: გიული ჭოხონელიძის ქუჩა N16);
  • შპს "მიაო ჯია" (მის.: თაბუკაშვილის ქუჩა 6);
  • შპს "იომი 1977" (ს/კ 404747716, მის.: გამრეკელის 3);
  • ინდმეწარმე დ. ქ. (სწრაფი კვების ობიექტი ბრენდული დასახელებით Evil Wok (მის.: ქ.თბილისი, დიღმის მასივი, III კვარტალი, 35-ე კორპ. მ/ტ);
  • შპს "რ ნ ა ენთერფრაისი", (მის.: შ. ნუცუბიძის 2);
  • შპს "ალ მადინა კეივ" (მის.ტეტელაშვილის ქუჩა 2);
  • შპს "იოკო აზია" (კაფე-ბარი რესტორანი; ს/კ 405727129, მის.ჭავჭავაძის ქ. N19);
  • შპს "ფლემ ქათერინგ მენეჯმენტ", ჩინური რესტორანი "ბამბუ" (ს/კ 405649794, მის.: ქ. თბილისი, ბუდაპეშტის 32).

განცხადებაში ვკითხულობთ, რომ კრიტიკული შეუსაბამობების გარდა, გამოვლინდა ვადაგასული სურსათი, ეტიკეტირების წესის დარღვევის, ეკონომიკურ საქმიანობათა რეესტრში რეგისტრაციისა და სააგენტოსაგან მინიჭებული სავალდებულო აღიარების გარეშე საქმიანობის ფაქტები.