მიხეილ ყაველაშვილი მეუღლესთან ერთად ნორვეგიის მეფე ჰარალდ V-ის სახელმწიფო დაკრძალვის ცერემონიას დაესწრო — ინფორმაციას პრეზიდენტის ადმინისტრაცია ავრცელებს.

"საქართველოს პრეზიდენტი, მიხეილ ყაველაშვილი, მეუღლესთან, თამარ ბაგრატიონთან ერთად, ნორვეგიის მეფის, მისი უდიდებულესობა ჰარალდ V-ის სახელმწიფო დაკრძალვის ცერემონიას დაესწრო.

საქართველოს პრეზიდენტმა მსოფლიოს სხვადასხვა ქვეყნების ლიდერებთან და სამეფო ოჯახების წარმომადგენლებთან ერთად პატივი მიაგო მეფე ჰარალდ V-ის ხსოვნას და საქართველოს სახელით კიდევ ერთხელ გამოხატა თანადგომა ნორვეგიის სამეფო ოჯახისა და ნორვეგიელი ხალხის მიმართ," — ვკითხულობთ ადმინისტრაციის განცხადებაში.

ნორვეგიის მეფე ჰარალდ V-ის გარდაცვალების შესახებ ინფორმაცია 28 აგვისტოს გავრცელდა. BBC იუწყებოდა, რომ მონარქი ოსლოს ეროვნულ საავადმყოფოში გარდაიცვალა, სადაც ის სისხლის იშვიათი დაავადების მკურნალობის კურსს გადიოდა.