11 იანვარს, უკრაინის შეიარაღებულმა ძალებმა კასპიის ზღვაში რუსეთის ერთ-ერთი უმსხვილესი ნავთობკომპანია Lukoil-ის კუთვნილ სამ საბურღ პლატფორმას დაარტყეს — ამის შესახებ ინფორმაციას უკრაინის გენერალური შტაბი ავრცელებს.

უკრაინის სპეციალური ოპერაციების ძალების (SSO) ინფორმაციით, აღნიშნული პლატფორმები რუსულ არმიას საწვავით ამარაგებს. ნავთობისა და გაზის ექსპორტი რუსეთის ფედერალური ბიუჯეტის მნიშვნელოვან ნაწილს შეადგენს და დიდ როლს ასრულებს მოსკოვის მიერ უკრაინაში წარმოებული ომის დაფინანსებაში.

განცხადების თანახმად, ცალკე შეტევა განხორციელდა ასევე რუსული Buk-M3 ტიპის საზენიტო-სარაკეტო სისტემაზე, რომელიც უკრაინის ოკუპირებულ ლუგანსკის ოლქში იყო განთავსებული და ასევე სხვა სამხედრო ობიექტებზე.

უკრაინულმა ძალებმა ასევე დაარტყეს რუსეთის 49-ე გაერთიანებული არმიის საწყობსა და ტექნიკური უზრუნველყოფის დანაყოფს ნოვოტროიცკეს დასახლების მიმდებარედ, ხერსონის ოლქის რუსეთის მიერ ოკუპირებულ ნაწილში — 49-ე არმია რეგიონში რუსეთის მთავარ სამხედრო ძალას წარმოადგენს.