ფრანკფურტის წიგნის ბაზრობა 2017 ოფიციალურად გაიხსნა. მასზე წელს პირველად გაიმართება თანამედროვე ქართველი ავტორების ლიტერატურული მარათონი, დაგეგმილია ქართველი კლასიკოსი მწერლების ნიკოლოზ ბარათაშვილის ლექსების კრებულისა და გრიგოლ რობაქიძის „კავკასიური ნოველების“ თარგმანების პრეზენტაციები.

კულტურის სამინისტროს ცნობით, ქართული პროგრამის ფარგლებში, ჩატარდება გერმანია-საქართველოს წლისადმი მიძღვნილი დისკუსია.

წელს ფრანკფურტის წიგნის ბაზრობის პრეზიდენტი იურგენ ბოსი ოფიციალურად წარადგენს საქართველოს, როგორც 2018 წლის ფრანკფურტის წიგნის ბაზრობის საპატიო სტუმარ ქვეყანას.

კვირეულის დასასრულს საქართველოს საფრანგეთისგან ოფიციალურად გადაეცემა 2018 წლის ფრანკფურტის წიგნის ბაზრობის საპატიო სტუმარი ქვეყნის სტატუსი.

ცერემონიალი ქართველი მუსიკოსის, ქეთი მელუასა და გორის ქალთა გუნდის მიერ შესრულებულ მუსიკალურ პერფორმანსით დასრულდება.

ფრანგული პავილიონის გახსნის საზეიმო ცერემონიას ესწრებოდნენ გერმანიის კანცლერი ანგელა მერკელი და საფრანგეთის პრეზიდენტი ემანუელ მაკრონი.