ამერიკის კინოაკადემიის ისტორიაში პირველად, ოსკარის რიგით 90-ე ცერემონიაზე, უცხოენოვანი ფილმების ნომინაციაზე წარსადგენად 92-მა ქვეყანამ გაგზავნა ფილმი, მათ შორის არის საქართველოს სახელით ამ კატეგორიისათვის შერჩეული ანა ურუშაძის ფილმი საშიში დედა.

პირველად მოხდა ისიც, რომ უცხოენოვანი ფილმების კატეგორიაში საკუთარი კინოსურათი წარადგინა ჰაიტიმ, ჰონდურანმა, მოზამბიკმა, სენეგალმა და სირიამ.

გუშინ გახდა ცნობილი ისიც, რომ რუსეთის სახელით ოსკარზე ანდრეი ზვიაგინზევის Loveless გაიგზავნა.

რაც შეეხება სხვა ქვეყნის კანდიდატებს, კამბოჯამ ოსკარზე უცხოენოვანი ფილმის ნომინაციაზე ანჯელინა ჯოლის ფილმი წარადგინა. 2018 წელს ოსკარის მოსაპოვებლად იბრძოლებენ - ჰანეკეს ბედნიერი დასასრული (ავსტრია), რობინ კამპილოს 120 დარტყმა წუთში (საფრანგეთი) და ა.შ.

იქნება თუ არა საშიში დედა წარდგენილი საუკეთესო უცხოენოვანი ფილმის კატეგორიაში ამას 2018 წლის 23 იანვარს, ნომინანტთა საბოლოო სიის გამოცხადების დროს გავიგებთ, რაც შეეხება დაჯილდოებას ის მომდევნო წლის 4 მარტს ლოს-ანჯელესში, დოლბის თეატრში ჩატარდება.

იხილეთ აქვე:

რომელი ფილმები გაუწევენ კონკურენციას ქართულ ფილმს 2018 წლის ოსკარზე