ამერიკელი როკ-მუსიკოსი ტომ პეტი გუშინ ღამით, გულის შეტევის შედეგად გარდაიცვალა. ის ცნობილი იყო, როგორც Tom Petty and the Heartbreakers-ის წამყვანი ვოკალისტი და Traveling Wilburys-ის წევრი.

პეტი 66 წლის ასაკში გარდაიცვალა. მისი ოჯახის განცხადების მიხედვით, ის მშვიდ ვითარებაში გარდაიცვალა, ოჯახის წევრების, მეგობრების და მუსიკოსების გარემოცვაში.

პეტის გარდაცვალებას ბობ დილანმა "საზარელი, დამანგრეველი ამბავი" უწოდა.

Petty and The Heartbreakers-მა, წელს 40 წლის არსებობის აღსანიშნავად ამერიკაში ტურნე მოაწყო. ბენდის ორი კონცერტი დაგეგმილი იყო ნოემბერში.

"მუსიკა ერთადერთი რეალური ჯადოსნური რამაა, რაც იმ სამყაროში არსებობს, რომელსაც მე ვიცნობ. მასში არის რაღაც გულწრფელი, პატიოსანი და წმინდა, რითიც ის შენს გულს ეხება" - თქვა მან ერთხელ.