ბორჯომის ხეობაში, დაბა წაღვერის მახლობლად, მთის ფერდობზე არსებულ ტყის მასივში გაჩენილი ხანძარი სრულად არის ჩამქრალი. ამის შესახებ ინფორმაციას შინაგან საქმეთა სამინისტრო ავრცელებს.

როგორც უწყება აცხადებს, შსს-ს საგანგებო სიტუაციების მართვის სააგენტოს მეხანძრე-მაშველები, მეტყევეებთან და ხანძარსაწინააღმდეგო ტექნიკასთან ერთად, პრევენციის მიზნით, რამდენიმე დღის განმავლობაში ადგილზე დარჩებიან და მონიტორინგს განახორციელებენ.

ხანძრის ქრობის პროცესში ჩართული იყო 600 მეხანძრე-მაშველი და განსაკუთრებულ დავალებათა დეპარტამენტის 800 თანამშრომელი.

ვერტმფრენები ბორჯომის ხეობაში, ხუთი დღის განმავლობაში, ტყის მასივში გაჩენილი ხანძარის ქრობის მიზნით, 560-ჯერ აფრინდნენ და ცეცხლის კერებს 1175 ტონა წყალი დაასხეს.