რუსმა ოკუპანტებმა ზაპოროჟიეს ოლქში სასჯელაღსრულების დაწესებულებას დაარტყეს. ინფორმაციას უკრაინული მედია Ukrainksa Pravda ავრცელებს.

ზაპოროჟიეს საოლქო-სამხედრო ადმინისტრაციის ხელმძღვანელის, ივან ფედოროვის ინფორმაციით, მედიკოსები დაშავებულებს სამედიცინო დახმარებას უწევენ.

დაბომბვის შედეგად პენიტენციური დაწესებულების შენობა დაინგრა, ხოლო ახლომდებარე საცხოვრებელი სახლები დაზიანდა.

ფედოროვის ცნობით, რუსულმა ძალებმა გასულ ღამეს ზაპოროჟიეს ოლქი 8-ჯერ დაბომბეს.