პარტია თავისუფლების მოედნის წევრის დავით ჯინჭარაძის ინფორმაციით, "თავისუფლების ფონდს" კრიპტო-გადარიცხვის ფუნქცია დაემატა. მისი თქმით, "ვისაც ქართულ ოცნებასთან ღია კონფრონტაცია არ უნდა, შეეძლებათ ფონდში ანონიმურად და ფარულად ჩარიცხონ ფული".

"თავისუფლების ფონდს კრიპტო-გადარიცხვის ფუნქცია დაემატა.

ამაზე გუშინ მოკლედ შეგატყობინეთ, მაგრამ ბუნებრივია დაიკარგებოდა ეს სიახლე გუშინდელ საინფორმაციო ნაკადში. გთხოვთ, ეს გაუზიაროთ თქვენს ნაცნობ ბიზნესმენებს და ინდივიდებს.

გათვლა არის ის, რომ ბიზნესებს ან შეძლებულ ადამიანებს, ვისაც ქართულ ოცნებასთან ღია კონფრონტაცია არ უნდათ, შეეძლებათ ფონდში ანონიმურად და ფარულად ჩარიცხონ ფული (2024-ის არჩევნების მერე სიტყვა "ფარულობას" ძალიან ფრთხილად ვიყენებ).

კრიპტო ჩემთვისაც ძალიან ახალი თემაა, ამიტომ პირველი ასეთი გადარიცხვა ფონდში მე გავაკეთე. ადრე გითხარით, რომ ხელფასის 10%-ს ჩავრიცხავდი ჩემსავე ფონდში - ამ თანხის ნაწილით დღეს კრიპტო-გადარიცხვა გავაკეთე. როგორც ხედავთ, მეც კი ვერ ვხედავ, ვინ გამოაგზავნა თანხა.

კრიპტო-გადარიცხვისთვის საჭირო ინფორმაცია ჩვენს ვებ-გვერდზე უკვე განთავსდა. ლინკი კომენტარებში", — წერს დავით ჯინჭარაძე.

"თავისუფლების ფონდი" მიმდინარე წლის აპრილის ბოლოდან ფუნქციონირებს. ის ღიაა დონაციებისთვის შეიქმნა და მოქალაქეებს გასაჩივრებული ჯარიმების გადახდაში ეხმარება.