"თავისუფლების ფონდი" ბრიტანეთში დარეგისტრირდა", — ამის შესახებ ინფორმაციას და შესაბამის დოკუმენტს სოციალურ ქსელში პარტია თავისუფლების მოედნის წევრი დავით ჯინჭარაძე აქვეყნებს.

"დიდი და მნიშვნელოვანი ამბავი — "თავისუფლების ფონდი" ოფიციალურად დავარეგისტრირეთ ბრიტანეთში. ეს ნიშნავს, რომ ფონდი ბრიტანულ კანონმდებლობაში მოექცა და მის მიმართ ნდობა კიდევ უფრო უნდა გაიზარდოს. ახლა უკვე ბიზნესს, რომელსაც ექნება ფონდის დახმარების სურვილი, კიდევ უფრო მეტი გარანტია ექნება", — წერს დავით ჯინჭარაძე.

დავით ჯინჭარაძემ "თავისუფლების ფონდს" მიმდინარე წლის აპრილის ბოლოს შექმნა. ფონდი, რომელიც ღიაა დონაციებისთვის, განსაკუთრებით კი ემიგრანტების და საზღვარგარეთ მყოფი მოქალაქეების მხრიდან, მოქალაქეებს გასაჩივრებული ჯარიმების გადახდაში ეხმარება.

მისივე ინფორმაციით, 1.5 თვეში ფონდმა 100 000 ლარი გადმოურიცხა დაჯარიმებულ მოქალაქეებს.