მერიის განცხადებით, ჭაბუა ამირეჯიბის გზატკეცილზე 26-დან 28 სექტემბრის ჩათვლით, 00:00 დან 06:00 საათამდე, საავტომობილო გადაადგილება შეიზღუდება.

გზატკეცილზე იგეგმება კლდოვან ფერდობზე ქვათაცვენის საწინააღმდეგო ბადის მოწყობა.

"სამუშაოების გამო, 26-დან 28 სექტემბრის ჩათვლით, 00:00-დან 06:00 საათამდე ავტომობილების გადაადგილება შეიზღუდება, ჭაბუა ამირეჯიბისა და ქაქუცა ჩოლოყაშვილის გზატკეცილების კვეთასთან არსებული გვირაბიდან მიხეილ თამარაშვილის გამზირამდე არსებულ საგზაო მონაკვეთში.

შეზღუდვის პერიოდში, ავტომობილები გადაადგილებას შეძლებენ ქაქუცა ჩოლოყაშვილის გზატკეცილის, სულხან ცინცაძის ქუჩისა და მიხეილ თამარაშვილის გამზირის გამოყენებით" - წერია მერიის განცხადებაში.