დემნა ჯაფარიძე, საიმონ ქოუელი, გიორგი ხაბურზანია

დემნა ჯაფარიძე, საიმონ ქოუელი, გიორგი ხაბურზანია

ფოტო: რუსთავი 2 / იქს ფაქტორი

ტელეკომპანია რუსთავი 2-ის პროექტების მენეჯერები დემნა ჯაფარიძე და გიორგი ხაბურზანია ტელეკომპანია იმედში გადავიდნენ. ამ ინფორმაციას On.ge-სთან საუბრისას ადასტურებენ ტელეკომპანიების დირექტორები.

ტელეკომპანია რუსთავი 2-ის გენერალური დირექტორი, ნიკა გვარამია ამბობს, რომ რამდენადაც მისთვის ცნობილია, ჯაფარიძე და ხაბურზანია სხვა არხზე ფინანსური ინტერესის გამო წავიდნენ.

"ჩემთვისაც ასეა ცნობილი. თუ გინდათ დაზუსტებული ინფორმაცია, მათ უნდა ჰკითხოთ", - ამბობს გვარამია On.ge-სთან საუბრისას.

ტელეიმედის გენერალური დირექტორი, გიორგი ბახტაძე ამბობს, რომ მათი გადასვლის შესახებ ინფორმაცია "ცნობილი ამბავია". ბახტაძე არ ამბობს, რა გეგმები აქვთ იმედზე ჯაფარიძესა და ხაბურზანიას. On.ge დაინტერესდა, გავა თუ არა იმედის ეთერში ის პროექტები, რომლებსაც ხაბურზანია და ჯაფარიძე რუსთავი 2-ში ხელმძღვანელობდნენ. ბახტაძე აღნიშნავს, რომ "ნიჭიერი" და "X ფაქტორი" იმედის ეთერში არ მოხვდება.

ტელეკომპანია რუსთავი 2-დან ხაბურზანიასა და ჯაფარიძის წასვლის შესახებ ინფორმაცია რამდენიმე კვირის წინ გავრცელდა. ისინი On.ge-ს სატელეფონო ზარებს ამ დრომდე არ პასუხობენ.