ახალი ამბები On.ge

დროა

28 Jan. 2024, 13:25

პარტია დროა სოლიდარობას უცხადებს ილიას სახელმწიფო უნივერსიტეტის დოქტორანტ გიორგი ხასაიასა და თბილისის სახელმწიფო უნივერსიტეტის ლექტორ აკაკი ჩიქობავას, რომლებიც 23 იანვარს შინაგან საქმეთა სამინისტროს მიერ კეკელიძის ქუჩაზე შეკრებილი მოქალაქეებისა და მედიის წარმომადგენლების ძალადობრივი დარბევის შემდეგ დააკავეს. მურუსიძის სასამართლომ მათ, აღმკვეთი ღონისძიების სახით, პატიმრობა შეუფარდა. მათ სამიდან ექვს წლამდე პატიმრობა ემუქრებათ.

ჩვენ კარგად ვიცნობთ პოლიციის ფორმაში ჩაცმულ მთავრობის დაქირავებულ ჯალათებს, რომლებიც თანაბარი ენთუზიაზმით არბევენ ანტისაოკუპაციო შეკრებებსა და საქართველოს ევროპული მომავლის მხარდამჭერ აქციებს, აკავებენ ცარიელი ფურცლებით ხელში მდგომ მოქალაქეებს, ჩვენი თანამოქალაქეების ჯანმრთელობის დაზიანების ხარჯზე, იცავენ ლავროვების ოჯახს, ბათუმში შემოსული რუსული გემის ოკუპანტ მგზავრებს. სწორედ ეს ე.წ. პოლიციელები გაუსწორდნენ კეკელიძის ქუჩაზე შეკრებილებს. მიგვაჩნია, რომ როდესაც მჩაგვრელი სისტემა ძალადობს, ერთადერთი სწორი გზა წინააღმდეგობაა.

შერჩევითი სამართალი, დეჰუმანიზებული და პოლიტიზებული მართლმსაჯულება გვეხება ყველას თანაბრად, მემარჯვენეს და მემარცხენეს, კაპიტალისტსა და სოციალისტს, ლიბერალსა და კონსერვატორს, ყველას, ვინც მზად არის წინააღმდეგობა გაუწიოს პოლიციის ფორმაში გადაცმულ ბოროტმოქმედებს.

ნებისმიერ ნორმალურ სახელმწიფოში მსგავსი ინციდენტი ამოიწურებოდა ზიანის ანაზღაურების და არა თავისუფლების აღკვეთის გზით. ჩვენი ძალა სოლიდარობაში, საზოგადოების მთლიანობასა და საღ აზრშია, ხოლო აკაკი ჩიქობავასა და გიორგი ხასაიას მიმართ შერჩევითი სამართლის გამოყენების დაგმობა ჩვენი სამოქალაქო და პოლიტიკური ვალი.


არა რუსულ რეჟიმს!

— პარტია ეხმიანება კეკელიძის ქუჩიდან ხატიაშვილების გასახლებისას, მოძრაობა ხმის წევრების — გიორგი ხასაიას და კაკო ჩიქობავას დაკავების ფაქტს. დაკავებულებს 25 იანვარს თბილისის საქალაქო სასამართლომ წინასწარი პატიმრობა შეუფარდა მას შემდეგ, რაც ბრალი წაუყენეს 23 იანვარს აღსრულების პოლიციის მანქანის დაზიანებისთვის. მათ 3-დან 6 წლამდე პატიმრობა ემუქრებათ.

0 0

კომენტარები

კვირის ტოპ-5

  1. შსს: "სტუმრად მისული კაცი შეუძლოდ გახდა და გარდაიცვალა. ბრალდებულებმა ცხედარი ავტომობილით ტყეში დატოვეს"
  2. გიგა ავალიანის საქმეზე ალექსანდრე გაბაშვილსა და გიორგი რიკაძეს 10,5 წლით, დემეტრე ჩიქოვანს კი 6 წლით და 9 თვით პატიმრობა მიესაჯათ
  3. როგორ შეთანხმდნენ აშშ და ირანი ორკვირიან ცეცხლის შეწყვეტაზე?
  4. BMG: ზაზა ფაჩულია რაჭაში ჰესს ააშენებს
  5. საქართველოს საპატრიარქო ტახტის მოსაყდრე შიოს სააღდგომო ეპისტოლე

გირჩევთ

ახლა კითხულობენ

გადახედვა

ირაკლი კობახიძე: 1978 წლის 14 აპრილს ქართველმა ერმა მსოფლიოს დაანახა, რომ არასოდეს დათმობს ეროვნულ ღირსებას

გილოცავთ დედაენის დღეს! 1978 წლის 14 აპრილს ჩვენი ქვეყნის ისტორიაში გამორჩეული ადგილი უკავია. ამ დღეს საქართველო ერთ…