რატომ არის მნიშვნელოვანი: 10 აგვისტოს უკრაინული მედია იტყობინებოდა, რომ ვოლოდიმირ ზელენსკი თავდაცვის მინისტრის პოსტზე ოლექსი რეზნიკოვის შემცვლელს ეძებდა.

  • მოგვიანებით რეზნიკოვმა გავრცელებულ ინფორმაციაზე კომენტირებისას განაცხადა, რომ მისთვის ეს თანამდებობა "დროებითი ისტორია" იყო და გადადგომა თავად შეეძლო.
  • 28 აგვისტოს კი თავდაცვის ყოფილმა მინისტრმა თქვა, რომ პრეზიდენტთან სხვა თანამდებობაზე გადასვლის შესაძლებლობა განიხილა, მაგრამ გადაწყვეტილება თავად ზელენსკიმ უნდა მიიღოს.

დეტალები: 3 სექტემბერს, ვიდეომიმართვაში ზელენსკიმ დაადასტურა, რომ თავდაცვის მინისტრის თანამდებობიდან გათავისუფლების გადაწყვეტილება მიიღო.

  • მისი თქმით, სამინისტროს ახალი მიდგომები სჭირდება.
  • "გადავწყვიტე, შევცვალო უკრაინის თავდაცვის მინისტრი. ოლექსი რეზნიკოვმა სრულფასოვანი 550 დღე გაიარა, მასშტაბური ომი. მიმაჩნია, რომ სამინისტროს სჭირდება ახალი მიდგომები და ურთიერთობის სხვა ფორმატები როგორც სამხედროებთან, ისე მთლიანად საზოგადოებასთან", — თქვა მან.
  • ზელენსკის გადაწყვეტილებითვე, სამინისტროს რუსტემ უმეროვი უხელმძღვანელებს.
  • "უკრაინის უმაღლესი რადა მას კარგად იცნობს, მეტი შესავალი არ სჭირდება. ველი, რომ პარლამენტი მხარს დაუჭერს მის კანდიდატურას. შემოდგომა — გაძლიერების დროა", — აღნიშნა ზელენსკიმ.