რუსეთის პრეზიდენტმა ვლადიმერ პუტინმა ქვეყნიდან ნაღდი რუბლის გატანის წესები გაამკაცრა. კერძოდ, ფიზიკურ პირებს ეკრძალებათ 1 მილიონ რუბლზე ($11 870) მეტი თანხის გატანა ევრაზიის ეკონომიკური კავშირის (EAEU) წევრ ქვეყნებში, ასევე აზერბაიჯანში, ტაჯიკეთსა და უზბეკეთში. იურიდიულ პირებსა და ინდივიდუალურ მეწარმეებს კი ამ ქვეყნებში რუბლის გატანა თანხის ოდენობის მიუხედავად აეკრძალათ. შესაბამისი დოკუმენტი სამართლებრივი ინფორმაციის პორტალზე გამოქვეყნდა.

დარღვევის შემთხვევაში, ნაღდი ფული კონფისკაციას დაექვემდებარება:

ინდივიდუალური მეწარმეებისა და იურიდიული პირების შემთხვევაში — სრულად;

ფიზიკური პირების შემთხვევაში — 1 მილიონი რუბლის ოდენობის გადამეტებული თანხა.

ცნობისთვის, მანამდე ფიზიკური პირებისთვის ლიმიტი 100 000 აშშ დოლარის ეკვივალენტს შეადგენდა, შეზღუდვები კი არ ვრცელდებოდა აზერბაიჯანზე, ტაჯიკეთსა და უზბეკეთზე და მხოლოდ ევრაზიის ეკონომიკური კავშირის (სომხეთი, ყირგიზეთი, ბელარუსი, ყაზახეთი) ქვეყნებზე მოქმედებდა.