ცოტა რამ თუ შეედრება იმ სიამოვნებას, როცა გრილ და წვიმიან საღამოს, ყველა საქმეს მოითავებ, ჩაის მოიმზადებ, კომფორტულად მოკალათდები და ახალ, საინტერესო სერიალს ჩაუჯდები. ოქტომბრის მოსვლასთან ერთად გრილი და წვიმიანი საღამოებიც გვიახლოვდება, ამიტომ გადავწყვიტეთ, რომ ახალი სერიალები შემოგთავაზოთ.

აი, 10 საუკეთესო შოუ, რომლების პრემიერაც ოქტომბერში შედგება:

1. War (ომი)

ამ იურიდიულ მელოდრამაში მილიარდერი, მორგან ჰენდერსონი, და მსახიობი, კარლა დიუვალი, ერთმანეთს ხმაურიანი განქორწინების პროცესში უპირისპირდებიან, მათ ინტერესებს კი მოქიშპე ფირმების იურისტები იცავენ. ჯორჯ კეის თქმით, სერიალის იდეა მაშინ გაუჩნდა, როდესაც გაიგო, როგორ ყვიროდა ქალი სიხარულისგან, როცა ქმარმა, ოთხწლიანი დავის შემდეგ, განქორწინების საბუთებს ხელი მოაწერა.

War-ის პრემიერა 1-ელ ოქტომბერს HBO-ზე, ხოლო 2 ოქტომბერს Sky-სა და Now-ზე შედგება.

2. East of Eden (ედემის აღმოსავლეთით)

ჯონ სტაინბეკის 1952 წლის საგის ახალ ადაპტაციაში, ფლორენს პიუს ყველაზე საინტერესო როლი შეხვდა — მანიპულატორი, სახიფათო ქალი, რომელიც ორი ძმის კონფლიქტში გაეხვევა: ადამ ტრასკზე ქორწინდება, ჩარლზს ტრასკი კი ძმას აფრთხილებს, რომ ამ ქალთან ურთიერთობა არ დაიჭიროს.

სერიალის პრემიერა 1-ელ ოქტომბერს, Netflix-ზე შედგება.

3. Kill Jackie (მოკალი ჯეკი)

ამ მძაფრსიუჟეტიან თრილერში ჯეკი პრაისი ყოფილი საერთაშორისო ნარკომოვაჭრეა, რომელიც ხელოვნების ნიმუშებით ვაჭრობაში გატარებული 20 მშვიდი, უზრუნველი წლის შემდეგ, მკვლელების სამიზნე ხდება. ჯეკის ეჭვი შვიდი დემონის სახელით ცნობილ დაჯგუფებაზე მიაქვს, თუმცა, ამავდროულად, ბევრი ვინმე ახსენდება, ვისაც შესაძლოა, მასზე შურისძიება სურდეს.

Kill Jackie-ის პრემიერა 2 ოქტომბერს AMC+-ზე და Prime Video-ზე შედგება.

4. Carrie (ქერი)

სტივენ კინგის რომანზე დაფუძნებულ სერიალში, ბულინგის მსხვერპლი მოსწავლე, ქერი, სოციალური მედიისა და მობილური ტელეფონების ეპოქაში გადმოდის, რაც ბულინგს კიდევ უფრო ამარტივებს. სტივენ კინგმა სერიალი ასე შეაფასა: "მაიკ ფლანეგანის Carrie-ის ვერსია გენიალურია. შოუ სოციალურ მედიაზე შოკისმომგვრელ სიმართლეს ამბობს".

სერიალი 7 ოქტომბრიდან Prime Video-ზე იქნება ხელმისაწვდომი.

5. Small Prophets (პატარა წინასწარმეტყველები)

სერიალის მთავარი პერსონაჟი, მაიკლი, სრულად განადგურებულია, რადგან 7 წლის წინ მისი პარტნიორი, კლია, ისე გაუჩინარდა, რომ მისგან აღარაფერი სმენია. მაიკლის მამის, ბრაიანის დღიურში ჰომუნკულების — სიმართლის გამჟღავნების უნარის მქონე არსებების — შექმნის მითითებები წერია. ეჭვების მიუხედავად, მაიკლი ბედს მაინც ცდის.

სერიალის პრემიერა 7 ოქტომბერს, Apple TV-ზე შედგება.

6. Cupertino (კუპერტინო)

მაიკ პრაისი იურისტია, რომელსაც პარტნიორმა ტექნოლოგიური სტარტაპის აქციები მოტყუებით წაართვა. ოლივია სიფრე კი იურისტია, რომელიც უფროსმა სექსუალურად შეავიწროვა და შემდეგ სამსახურიდან გაათავისუფლა. მაიკი და ოლივია ერთად ახალ ფირმას აფუძნებენ, რომელიც მსხვილი ტექნოლოგიური კომპანიების მიერ დაზარალებული კლიენტების ინტერესებს იცავს.

Cupertino 8 ოქტომბრიდან CBS-სა და Paramount+-ზე იქნება ხელმისაწვდომი.

7. Below (ქვემოთ)

ამ საშინელებათა სერიალში ჯოშ ჰარტნეტი კელვინ პენის როლს ასრულებს — ადგილობრივი მეთევზის, რომელიც რთულ ეკონომიკურ პირობებს ებრძვის. ნამდვილი პრობლემები მაშინ იწყება, როცა მის ქალაქში თევზი ქრება, ტურისტები უგზო-უკვლოდ იკარგებიან და ადგილობრივი ინდუსტრიები ვეღარ მუშაობენ. ზღვის სიღრმეში რაღაც ბოროტი ძალა იმალება — საფრთხე, რომლის გამოკვლევასაც მაკენზი დევისი, საზღვაო ბიოლოგი, იწყებს.

Below Netflix-ზე 8 ოქტომბერს გამოდის.

8. The Lowdown (სრული სიმართლე)

The Lowdown 2025 წლის ერთ-ერთი საუკეთესო პროექტია. სერიალში ითან ჰოუკი ჟურნალისტისა და წიგნის მაღაზიის მფლობელის, ლი რეიბონის როლს ასრულებს, რომელსაც სიმართლის ძიება პრობლემებში ხვევს. მეორე სეზონში გამოჩენილი ახალი პერსონაჟები კი მიგვანიშნებენ, რომ შოუ კიდევ უფრო საინტერესო გახდება.

The Lowdown-ის ყურებას 14 ოქტომბრიდან, Hulu-სა და Disney+-ზე შეძლებთ.

9. Vision Quest (ვიჟენის ძიება)

ვიჟენს უკვე საკუთარი სერიალი აქვს, რომელიც MCU-ს ერთ-ერთი საუკეთესო შოუს, WandaVision-ის სპინ-ოფია. ვიჟენს ვანდასგან მხოლოდ მოგონებები დარჩა, თუმცა ემოციები გაუქრა, ამიტომ ამ გრძნობების პოვნას საკუთარ სისტემაში ჩაშენებულ ხელოვნური ინტელექტის პერსონებთან კომუნიკაციით ცდილობს.

Vision Quest-ის პრემიერა 14 ოქტომბერს Disney+-ზე საერთაშორისო მასშტაბით შედგება.

10. Nocturne (ნოქტურნი)

ეს კრიმინალური დრამა ლარს კეპლერის 2 რომანს ეფუძნება. სერიალში მოქმედება სკანდინავიიდან აშშ-შია გადატანილი და გვიყვება ყოფილი ჯარისკაცისა და დეტექტივის შესახებ, რომელიც ფილადელფიიდან პატარა ქალაქში გადადის საცხოვრებლად, თუმცა იქ სიმშვიდეს ნამდვილად ვერ პოულობს.

Nocturne 30 ოქტომბრიდან Apple TV-ზე იქნება ხელმისაწვდომი.