რატომ არის მნიშვნელოვანი: პრეზიდენტის ადმინისტრაციამ დღეს გაავრცელა განცხადება, რომ სალომე ზურაბიშვილი ევროკავშირის წევრობის კანდიდატი ქვეყნის სტატუსის მინიჭების მხარდასაჭერად ევროპელ ლიდერებთან იწყებს შეხვედრებს.

  • როგორც განცხადებაშია ნათქვამი, პრეზიდენტი შეხვედრებს 31 აგვისტოს ბერლინში ვიზიტით დაიწყებს და იქ გერმანელ კოლეგას შეხვდება.

მთავრობამ ამის შემდეგ განცხადება გამოაქვეყნა, სადაც საუბარია იმაზე, რომ პრეზიდენტმა მათ ვიზიტთან დაკავშირებული წინადადებით 2023 წლის 12 ივლისს მიმართა, ხოლო 3 აგვისტოს ოფიციალურად, წერილობით ეთქვა უარი.

  • მთავრობას არგუმენტად კონსტიტუაცია მოჰყავს და წერენ, რომ პრეზიდენტს ამის უფლებას სწორედ კონსტიტუციის შესაბამისი მუხლის თანამხად არ აძლევენ.
  • როგორც ამბობენ, ზურაბიშვილს წერილობით უთხრეს უარი 22-24 აგვისტოს უკრაინაში, 16 სექტემბერს შვეიცარიის კონფედერაციაში, 2-3 ოქტომბერს პოლონეთის რესპუბლიკაში.
  • ასევე, 4-6 ოქტომბერს ბელგიის სამეფოში, 31 ოქტომბრიდან 2 ნოემბრის ჩათვლის დანიის სამეფოში და 1-2 დეკემბერს არაბთა გაერთიანებულ საამიროებში სამუშაო ვიზიტებზე.
  • გარდა ამისა, პრეზიდენტმა უარი მიიღო 27-29 სექტემბერს ბულგარეთის რესპუბლიკაში, 10-12 დეკემბერს ჩეხეთის რესპუბლიკაში, ხოლო 18-20 დეკემბერს ისრაელის სახელმწიფოში ოფიციალურ ვიზიტებზე.
  • "შევახსენებთ პრეზიდენტ სალომე ზურაბიშვილს, რომ საქართველოს კონსტიტუციის 52-ე მუხლის პირველი პუნქტის ა ქვეპუნქტის შესაბამისად, საქართველოს პრეზიდენტი მხოლოდ საქართველოს მთავრობის თანხმობით ახორციელებს წარმომადგენლობით უფლებამოსილებებს საგარეო ურთიერთობებში, ვინაიდან კონსტიტუციის 54-ე მუხლის პირველი პუნქტის შესაბამისად, ქვეყნის საგარეო პოლიტიკის განხორციელება საქართველოს მთავრობის უფლებამოსილებაა", — ვკითხულობთ ბოლოს.