ამის შესახებ ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: უწყების ცნობით, 29 აპრილს, ბრალდებულმა თბილისში, საკუთარ საცხოვრებელ სახლში ნათესავზე — 1986 წელს დაბადებულ პირზე ფიზიკურად იძალადა.

  • შსს-ს განმარტებით, ბრალდებული განზრახ მკვლელობის მუხლით დააკავეს და დანაშაული 10-დან 15 წლამდე ვადით თავისუფლების აღკვეთას ითვალისწინებს.

დეტალები: მათი განცხადებით, ახალგაზრდა ქალს ხელკეტისა და ელექტროშოკის გამოყენებით სხეულზე სხვადასხვა სახის დაზიანებები მიაყენა, რის შედეგადაც იგი ადგილზე გარდაიცვალა.

  • განზრახ მკვლელობის ბრალდებით გამოძიება საქართველოს სისხლის სამართლის კოდექსის 108-ე მუხლით მიმდინარეობს.