მალაშხია: მადლობა აქციის თითოეულ მონაწილეს, რომელიც გამოვიდა რუსული კანონის წინააღმდეგ

9 Apr. 2023, 13:46

მადლობა ქალბატონ პრეზიდენტს და მე მინდა, მადლობა ვუთხრა აქციის თითოეულ მონაწილეს, რომელიც გამოვიდა რუსული კანონის წინააღმდეგ და დაიცვა ჩვენი ქვეყნის ევროპული მომავალი. მადლობა, ქალბატონო პრეზიდენტო, რომ თქვენ დღეს დგახართ საქართველოს მოქალაქეების გვერდით და კარგად გესმით ჩვენი ხალხის დაკვეთა, გავხდეთ ევროპული ოჯახის წევრი. იმ ევროპული ოჯახისა, სადაც არსებობს დამოუკიდებელი და სამართლიანი სასამართლო, თავისუფალი პოლიტიკურად მოტივირებული გადაწყვეტილებებისაგან, სადაც სრულად დაცულია მედიის თავისუფლება, ქალთა უფლებები, უმცირესობების უფლებები. უამრავ სხვა სიკეთესთან ერთად, რასაც ქვეყნის უსაფრთხოება, კეთილდღეობა ჰქვია. მინდა, მადლობა გითხრათ იმ განცხადებებისთვის, რომელსაც თქვენ აჟღერებთ უკრაინის მიმართ და ის სრულ თანხვედრაშია საქართველოს მოქალაქეების ურყევ მხარდაჭერასა და სოლიდარობასთან.

ვფიქრობ, რომ თქვენ გამოიყენებთ ყველა რესურსს და ბერკეტს ქვეყნისათვის ურთულეს მომენტში და ჩვენ გავხდებით ნატოსა და ევროკავშირის წევრი, მჯერა მე ამის. მჯერა, რომ ჩვენთან ერთად გახდება უკრაინა ნატოსა და ევროკავშირის წევრი. დიდება საქართველოს, დიდება ჩვენ გმირებს, დიდება უკრაინას.

ბოლო ამბები:

ნანა მალაშხია მალაშხია: მადლობა აქციის თითოეულ მონაწილეს, რომელიც გამოვიდა რუსული კანონის წინააღმდეგ

კომენტარები

კვირის ტოპ-5

გირჩევთ

ახლა კითხულობენ