რუსეთის დასავლელი მეზობელი NATO-ს 31-ე წევრი ხდება.

რატომ არის მნიშვნელოვანი: შედეგად, რუსეთის ნატოსთან საზღვარი გაორმაგდება.

  • ვლადიმერ პუტინისთვის ფინეთის სამხედრო ალიანსში გაწევრიანება დიდი მარცხია, იგი არაერთხელ გამოთქვამდა პრეტენზიებს NATO-ს გაფართოებაზე უკრაინაში შეჭრის წინ.
  • უკრაინაში რუსეთის სრულმასშტაბიანი შეჭრის შემდეგ, სამხედრო ნეიტრალიტეტის მქონე ფინეთმა და შვედეთმა NATO-ში გაწევრიანება გადაწყვიტეს.

დეტალები: დღეს ბრიუსელში, NATO-ს შტაბ-ბინაში ფინეთის დროშას აღმართავენ.

  • საზეიმო ცერემონიალზე ალიანსის მინისტრებს ფინეთის პრეზიდენტი და აშშ-ის სახელმწიფო მდივანი შეუერთდებიან.
  • "ეს [გადაწყვეტილება] გახდის ფინეთს უფრო უსაფრთხოს და ნატოს უფრო ძლიერს", — განაცხადა პრესასთან NATO-ს გენერალურმა მდივანმა, იენს სტოლტენბერგმა.
  • კრემლის სპიკერმა, დიმიტრი პესკოვმა განაცხადა, რომ რუსეთი "ყურადღებით დააკვირდება" რა მოხდება ფინეთში.
  • ოკუპანტი ქვეყნის მთავრობა ფინეთის ალიანსში გაწევრიანებას განიხილავს, როგორც მათი "უსაფრთხოებისა და ეროვნული ინტერესების დარღვევას".